Slovakiya millisinin 4 futbolçusu cəzalandırılıb. Lent.az-ın məlumatına görə, Slovakiya Futbol Federasiyası (SFF) Marek Hamşik (“Napoli”, İtaliya), Vladimir Vays (“Peskara”, İtaliya), Miroslav Stox (“Fənərbağça”, Türkiyə) və Kərim Quedeni (“Frayburq”, Almaniya) 2014-cü il dünya çempionatının seçmə qrup mərhələsinin sonunadək pul mükafatlarından məhrum edib.

Səbəb sentyabrın 7-də səfərdə Litva ilə 1:1 hesabı ilə başa çatan seçmə matçdan sonra oyunçuların Vilnüsdəki gecə klublarından birində səhərədək əylənmələri olub. Bundan 4 gün sonra Slovakiya millisi evdə Lixtenşteyni yenib – 2:0. Lakin SFF gecə əyləncəsindən xəbər tutan kimi cəza tədbirlərinə əl atıb.

Qeyd edək ki, Latviya, Yunanıstan, Bosniya və Herseqovina ilə də eyni qrupda yer alan Slovakiya millisi hazırda 2 oyundan 4 xalla 3-cü pillədə qərarlaşıb.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA