Azərbaycan Bosniya və Herseqovinanı da keçdi

21.09.2012 - 09:11

UEFA-nın 2008-13-cü illəri əhatə edən reytinq siyahısında dəyişikliklər olub. Apasport.az saytının məlumatına görə, 2012/13 mövsümünün Çempionlar və Avropa Liqasının qrup mərhələsinin ilk turunun qarşılaşmalarında bəzi ölkələr xal hesablarını dəyişə bilib.

Son 5 mövsümü əhatə edən reytinqə Azərbaycan da hesabına növbəti 0,250 xalı yazıb. Bu, “Neftçi”nin Serbiyada “Partizan”la heç-heçə etməsi sayəsində mümkün olub – 0:0.

Təsnifat mərhələsindən fərqli əsas mərhələdə heç-heçə artıq 0,125 deyil, 0,250 xal gətirir. 0:0 hesablı heç-heçə ilə cari mövsüm qazanılan xallarımızın sayı rekord həddə - 2,500-ə çatıb.

Cari mövsüm toplanan xalların ən böyük hissəsi – 1,125-i “Neftçi”nin, 0,750-si “İnter”ın payına düşür. Digər 0,500 xal “Xəzər Lənkəran”ın, 0,125-i isə “Bakı”nın hesabındadır.

“Neftçi”nin qələbəsi sayəsində son 5 ilə əsasən özümüz üçün rekord - 8,041 xal yığmağa imkan verib. Bunun da sayəsində Azərbaycan daha bir pillə irəliləyib. Bu dəfə Bosniya və Herseqovinanı arxada qoyaraq 33-cü pilləyə yüksəldik. Futbol tariximizdə növbəti rekord olan bu pillə daha da yaxşılaşa bilər. Belə ki, bizi 32-ci yerdən 1 qələbə ayırır. Özü də izləyicilərimiz kimi 32-ci olan Finlandiyanın da təmsilçisi qalmadığından bu çox realdır.

UEFA reytinqinin 4-cü onluğu

yer	Ölkə	reytinq	Qalıb/klub
31	Sloveniya	8,958	1/4
32	Finlandiya	8,508	0/5
33	Azərbaycan	8,041	1/4
34	Bosniya-Herseqovina	7,833	0/4
35	Moldova	7,666	0/4
36	İrlandiya	7,375	0/4
37	Litva	6,500	0/4
38	Qazaxıstan	5,958	0/4
39	Latviya	5,791	0/4
40	İslandiya	5,416	0/4