Cavid Hüseynovun yeni baş məşqçisi bəlli oldu

04.10.2012 - 23:04

Türkiyənin "Adana Dəmirspor" klubunun yeni baş məşqçisi müəyyənləşib. Apasport.az saytının xəbərinə görə, bundan sonra komandanı Mustafa Uğur çalışdıracaq. Artıq yeni baş məşqçi ilə müqavilə imzalanıb. O, komandanı ilk məşqə çıxarıb.

Qeyd edək ki, mövsümün ilk 5 turu "Adana Dəmirspor"un uğursuz çıxışı ilə yadda qaldı. Hansı ki, Adana təmsilçisi hələ bu müddət ərzində qələbə qazana bilməyib. Bu üzdən də komandanın sabiq çalışdırıcısı Osman Özdemir vəzifəsindən istefa verdi.

Qeyd edək ki, futbol üzrə Azərbaycan yığmasının yarımmüdafiəçisi Cavid Hüseynov da bu komandada çıxış edir.