Böyükağa Hacıyev: Bu gün meydanda yalnız 1 komanda var idi

08.10.2012 - 17:46

“Bütövlükdə pis oynamadıq. Futbolçularda Avropa Liqasında “İnter”lə oyundan sonra bir qədər yorğunluq var idi”. Apasport.az saytının məlumatına görə, bu sözləi “Neftçi” klubunun baş məşqçisi Böyükağa Hacıyev deyib.
O, Topaz Premyer Liqasının VIII turunun “Turan”la oyunu haqda fikirlərini açıqlayıb: “2 cəbhədə mübarizə aparmaq çətindir. Amma bu gün meydanda yalnız 1 komanda var idi – “Neftçi”. “Turan”ın son oyunlardakı nəticələri bizi diqqətli olmağa məcbur edirdi. Onlar bu görüşdə də döyüşdülər. Lakin biz istədiyimizi ala bildik”.
Qeyd edək ki, “Neftçi” “Turan”la oyunda 2:1 hesabı ilə qalib gəlib.
Mənbə: pfl.az