Milli komandamıza Almaniyadan 2 futbolçu dəvət olundu

09.10.2012 - 10:11

Azərbaycanın 19 yaşlılardan ibarət yığma komandasının Avropa çempionatının seçmə mərhələsi üçün heyəti açıqlanıb. Apasport.az saytının məlumatına görə, Vəli Qasımovun baş məşqçisi olduğu yığmamız oktyabrın 26-dan 31-ə qədər Xorvatiyada təşkil olunacaq yarışa 20 futbolçu ilə yollanacaq. B

Bunlar Emil Balayev, Samir Yusifov, Elşən Abdullayev, Məqsəd İsayev (hamısı "Neftçi"), Eyyub Əliyev ("Simurq"), Tərlan Əhmədli ("Rəvan"), Fuad Bayramov, Azər Salahlı, Coşqun Diniyev (hamısı "İnter"), Kamal Mirzəyev, Murad Musayev (hər ikisi "Qəbələ"), Hasan Demir (FSV "Frankfurt", Almaniya), Şamil Camallədinov, Orxan Əliyev, Ruslan Nəsirli (hamısı "Sumqayıt"), Taşkın İlter ("Türkiyəmspor", Almaniya), Namiq Ələsgərov ("Bakı"), Bayram Budaqov ("Dnepr", Ukrayna), Eldar Cankişiyev ("Anji", Rusiya) və David Qarayevdir ("Qubkin", Rusiya). Heyətdə 5 futbolçu ölkədən kənarda çıxış edir ki, bunlardan 2-si Almaniyada oynayan milliləşdirilən türkiyəli futbolçulardır.

26 oktyabr, saat 18:30
Azərbaycan - İslandiya
Zaqreb. NK Hask stadionu
Baş hakim: Marios Panayi (Kipr)

28 oktyabr, saat 18:30
Gürcüstan - Azərbaycan
Zapreşiç. NK İnter Zapreşiç stadionu
Baş hakim: Marios Panayi (Kipr)

31 oktyabr, saat 18:30
Azərbaycan - Xorvatiya
Sesvete. Sv. Josip Radnik stadionu
Baş hakim: İvan Kruzliak (Slovakiya)

Qeyd: Oyunların başlanma saatı Bakı vaxtı ilə göstərilib.

Mənbə: affa.az