Bu gün AFFA-nın İntizam Komitəsinin (İK) iclası keçirilib. Apasport.az saytının məlumatına görə, “Xəzər Lənkəran”, “Bakı” və “Kəpəz” Topaz Premyer Liqasının son turundakı oyunlarında 4 futbolçusu sarı vərəqə aldığı üçün hərəyə 1000 manat cərimələniblər. “Bakı” ilə səfər oyununun 43-cü dəqiqəsində “Qəbələ”nin futbolçusu Rövşən Əmiraslanov kobud oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzaya, 200 manat cəriməyə məruz qalıb.

İK milli komandamızın da üzvü olan “Qarabağ”ın futbolçusu Rauf Əliyevin cəzasını ləğv edib. Belə ki, hücumçuya “Kəpəz”lə səfər oyunun 66-cı dəqiqəsində simulyasiyaya görə sarı vərəqə verilib. Lakin matçın videoyazısını izlədikdə baş hakim Elçin Məmmədovun epizodu düzgün qiymətləndirməməyi aşkar edilib. Bu səbəbdən də Raufa göstərilən sarı vərəqə ləğv olunub.

Mənbə: affa.az

• “Fənər”də yeni müqavilə - RƏSMİ
• Levandovski “Barselona”dan ayrılacaq - RƏSMİ
• DÇ-2026: Tunis millisinin heyəti BƏLLİ OLDU
• “Bavariya” qapıçısı ilə yeni müqavilə İMZALADI
• DÇ-2026: Sinqo və Aqbadu HEYƏTDƏ