18 skandinaviyalı qız yığmamıza qarşı

11.10.2012 - 15:55

19 yaşadək qızlar arasında Avropa çempionatının seçmə mərhələsində Azərbaycan milli komandasının rəqibi olan İsveç yığmasının heyəti açıqlayıb. Apasport.az saytının məlumatına görə, skandinaviyalıların baş məşqçisi Kalle Barrlinq oktyabrın 20-25-də Rusiyada keçiriləcək qrup oyunlarına 18 futbolçu dəvət edib.

Bu oyunçular Azərbaycan, Rusiya və Sloveniya ilə qarşılaşmalarda meydana çıxacaq: Luiza Hoqrell, Maya Olsson, Maya Andersson, Aleksandra Benediktsson, Elin Berqkvist, Elin Braqnum, Ellen Karlsson, Elis Nilsson, Fanni Andersson, Sofiya Anker-Kofoed, Mariya Banusiç, Malin Diaz Pettersson, Paulin Hammarlund, İrma Helin, Lina Hurtiq, Nina Yakobsson, Mimmi Larsson, Culiya Uahlberq.

Qeyd edək ki, İsveç – Azərbaycan oyunu oktyabrın 22-də baş tutacaq.