Türkiyə Superliqasında X tura bir oyunla start verilib. Apasport.az saytının məlumatına görə, səfərdə "İstanbul Böyükşəhər Bələdiyyəspor"la qarşılaşan lider "Qalatasaray" oyundan 3:1 hesablı qələbə ilə ayrılıb.

Matçda hesabı 11-ci dəqiqədə Umut Bulut açıb. Fasiləyə iki dəqiqə qalmış Səlçuk İnan "Cim Bom"a rahatlıq gətirən ikinci qola imza atıb.

İkinci hissədə fəallaşan meydan sahibləri 61-ci dəqiqədə Turqay Bahadırın qolu ilə fərqi azaltsa da, "İstanbul BB"nin ümidlərini öz oyunçusu puç edib: 68-ci dəqiqədə Kamil Zayatte topu öz qapısına göndərib.

Bu qələbədən sonra "Qalatasaray" xalını 21-ə yüksəldib və liderliyini davam etdirir.

• Alonso rəsmən “Çelsi”də
• “Fənər”dən Qirassi həmləsi - RAZILIQ ƏLDƏ OLUNDU
• “Qalatasaray” Lemina ilə bağlı qərarını verdi
• Günün oyunları bu kanallarda - TV AFİŞA
• "Çelsi"də Alonso dövrü başlayır: Razılıq əldə olundu