Rauf Əliyev Qurban Qurbanova çatır

15.11.2012 - 12:40

Azərbaycan millisinin futbolçusu Rauf Əliyev yığmanın bombardirləri siyahısında irəliləyib. Apasport.az saytının məlumatına görə, DÇ-2014-ün seçmə mərhələsinin Şimali İrlandiya ilə görüşündə hesabı açan Əliyev millidə 5-ci topunu vurdu.

Bununla Nazim Süleymanov, Fərrux İsmayılov, Vidadi Rzayev və Vyaçeslav Lıçkinə çatan Əliyev yığma tarixində 6-cı pilləyə yüksəlməyi bacarıb. “Qarabağ”ın hücumçusu klubundakı baş məşqçisi Qurban Qurbanovun rekordundan hələ çox uzaqdadır. Millinin rekorduna çatmaq üçün ona hələ 9 top lazımdır.

Lakin Əliyev qollarının yarıdan çoxunu seçmə mərhələlərdə vurub. 3-cü qolu onu seçmə oyunların üçüncü bombardir edib. Yalnız baş məşqçisindən və komanda yoldaşı Vaqif Cavadovdan geri qalan Raufu rekorddan cəmi 2 qol ayırır.

Millinin ən yaxşı bombardirləri

1. Qurban Qurbanov	14
2-4. Branimir Subaşiç	7
Elvin Məmmədov	7
Vaqif Cavadov	7
5. Zaur Tağızadə	6
6-10. Fərrux İsmayilov	5
Nazim Süleymanov	5
Rauf Əliyev	5
Vidadi Rzayev	5
Vyaçeslav Lıçkin	5