S10 oyun, 10 qol

16.11.2012 - 00:01

Azərbaycan yığması 2012-ci ildə son oyununu keçirdi. Apasport.az saytının məlumatına görə, Şimali İrlandiya ilə Belfastda heç-heçə edən milli ili 10-cu matçı ilə tamamlayıb. Komandamız son 2 ildə də məhz 10 görüşdə meydana çıxmışdı.

Yığmamız il ərzində 2 qələbə qazanıb, 4 heç-heçə edib və 4 dəfə məğlub olub. Foqtsun rəhbərliyi dövründə 4-cü dəfə ili 2 qələbə ilə tamamlayan yığmamız yalnız 2010-cu ildə bu ənənəni yaxşı mənada pozaraq, 3 dəfə qalib gəlmişdi. 2008-ci ildəki kimi, yenə 4 heç-heçə etməklə millimiz ilin 10 oyununda 10 xal toplayıb. Bu isə yığmanın 2012-ci ildə 33 faizlik nəticə göstərdiyini əks etdirir. 4 dəfə daha yaxşı nəticəyə imza atan millimiz 3-cü dəfə indiki rəqəmlə kifayətlənir. Digər illərdə isə nəticə daha pis olub.

Millimiz 10 oyunda 10 qol vurub. Sonuncu dəfə 2007-ci ildə daha çox – 11 qol vuran komanda Berti Foqtsun baş məşqçiliyi vaxtında ilk dəfə orta məhsuldarlıqda birə çatdı. Komandamız 2003 və 2004-cü illərdə də hər oyuna 1 qol vurmuşdu. Az oyunda məhsuldarlığın yüksək olduğu 1992 və 1993-cü illər istisna olmaqla, yığmamızda heç vaxt orta məhsuldarlıq 1-dən yüksək olmayıb. Bir sözlə, milli son 18 ilin rekordunu təkrarlayıb.

10 oyunda yığmamız 12 top buraxıb. Orta hesabla hər matçda 1,2 qola üzülən milli tarixinin 2-ci ən yaxşı nəticəsini göstərib. 1998-ci ildə də müdafiədə eyni oyun göstərən komandamız yalnız 2008-ci ildə daha etibarlı olub – hər oyuna 0,82 qol.

il	o	q	h	m	top	x
1992	1	0	0	1	3-6	0
1993	4	3	1	0	9-5	10
1994	6	0	0	6	1-15	0
1995	6	0	1	5	2-21	1
1996	9	3	2	4	8-13	11
1997	10	1	1	8	5-19	4
1998	10	5	2	3	9-12	17
1999	9	1	2	6	8-24	5
2000	9	0	2	7	2-13	2
2001	10	2	2	6	6-15	8
2002	11	1	4	6	5-15	7
2003	8	1	2	5	8-18	5
2004	11	2	5	4	11-18	11
2005	11	0	2	9	2-24	2
2006	8	0	4	4	2-15	4
2007	14	4	3	7	11-24	15
2008	11	2	4	5	6-9	10
2009	13	2	3	8	8-23	9
2010	10	3	3	4	9-17	12
2011	10	2	1	7	9-20	7
2012	10	2	4	4	10-12	10