Lənkərana gələn futbolçu dünyada 260-cıdır

22.11.2012 - 12:20

Beynəlxalq Futbol Tarixi və Statistikaları Federasiyası (İFFHS) milli çempionatlarda ən uzun “quru seriya”ya malik qapıçıların növbəti siyahısını açıqlayıb. Apasport.az saytının məlumatına görə, sonuncu dəfə 4 ay əvvəl açıqlanan cədvəldə cəmi 2 yeni ad peyda olub.

Bunlar Braziliyanın “Vasko da Qama” klubunun qapıçısı Fernando Burtenberger Prass və Yunanıstan AEK-ində çıxış edən israilli Qay Haimovdur.

Onlar müvafiq olaraq, 717 və 742 dəqiqəlik seriyalarla 325-ci və 260-cı pillələrə sahib çıxıblar. Bununla, 660 dəqiqə həddini keçən əlcək sahiblərinin siyahısındakıların sayı 478-ə çatıb. İsrail millisinin qapıçılarından olan Haimov millimizlə oyuna çağırılmasa da, Təl-Əviv “Makkabi”sində oynayarkən ötən ilin yayında 2 dəfə “Xəzər Lənkəran”la üz-üzə gəlib. Təl-Əvivdə komandasının 3:1 hesablı qələbəsinə sevinən Qay Lənkəranı qol buraxmadan tərk edib – 0:0.

Qeyd edək ki, ilk “onluq” da dəyişiklik olmayan siyahıda Azərbaycan Premyer Liqasında qeydə alınan 16 göstərici var.

İlk “onluq”

1. Geraldo Pereyra de Matos Filyo "Mazaropi” (“Vasko da Qama”, Braziliya) – 1816 dəqiqə
2. Navaf Xali-Əl-Xalidi (“Əl-Qüdsiyə”, Küveyt) - 1453
3. Tabet Əl-Bətəl (“Nasyonal”, Misir) – 1442
4. Dani Verlinden (“Brügge”, Belçika) - 1390
5. Joze Mariya Buljubasiç (“Universidad Katolika”, Argentina) - 1352
6. Tabet Əl-Bətəl (“Nasyonal”, Misir) – 1325
7. Edvin van der Sar (“Mançester Yunayted”, İngiltərə) – 1311
8. Əssam Əl-Hadari (“Nasyonal”, Misir) – 1288
9. Samir Səid (“Əl-Ərəbi”) - 1283
10. Abel Resino Gomes (“Atletiko”, İspaniya) – 1275

Azərbaycan Premyer Liqasının İFFHS-dəki təmsilçiləri

27. Nizami Sadıqov (“Turan”) – 1106 dəqiqə
60. Xalidu Sissoko (“Bakı”) – 985
63. Xalidu Sissoko (“Bakı”) – 971
66. Camaləddin Əliyev (“Qarabağ”) – 958
71. Pavel Doroşev (“Qəbələ”) – 952
76. Elxan Həsənov (“Neftçi”) – 943
141. Boyan Pavloviç (“Qarabağ”) – 828
172. Dmitri Kramarenko (“Karvan”) – 798
209. Dmitri Kramarenko (“Neftçi”) – 772
254. Rauf Mehdiyev (“Olimpik”) – 746
257. Elşən Poladov (“Bakı”) – 744
261. Nadir Şükürov (“Dinamo”) – 741
278. Aleksandr Martyoşkin (“Xəzər Lənkəran”) – 735
308. Kamran Ağayev (“Xəzər Lənkəran”) – 720
368. Camaləddin Əliyev (“Qarabağ”) – 700
426. Rauf Mehdiyev (“Olimpik”) – 676