Ramin Musayev evə buraxıldı

22.11.2012 - 12:33

“Atam artıq evə buraxılıb. Bundan sonra müalicəsini ev şəraitində davam etdirəcək”. Bu sözləri apasport.az saytına açıqlamasında Peşəkar Futbol Liqasının prezidenti Ramin Musayevin oğlu, hazırda “Rəvan” klubunda forma geyinən Elvin Musazadə deyib.

Elvin bildirib ki, atasının evdə daha çox qalmasına çalışacaqlar: “Düzdü, atamı saxlamaq çətin olacaq. Ancaq onun mümkün qədər çox istirahət etməsinə çalışacağıq. Həkimlər ona dərmanlar yazıb. Özünü çox yaxşı hiss edir. Ayağa qalxmasında da problem yoxdur”.

Xatırladaq ki, Ramin Musayev səhhətində yaranan problemə görə dünən Mərkəzi Klinik Xəstəxanaya aparılmışdı.