Avroliqada təxirə salınan oyunun vaxtı dəqiqləşib

23.11.2012 - 17:29

Avroliqanın qrup mərhələsinin V turunda təxirə salınan “Hapoel” (İsrail) – “Atletik” (İspaniya) oyununun keçirilmə vaxtı müəyyənləşib. Apasport.az saytının məlumatına görə, matç noyabrın 28-də Hayfa şəhərində yerli vaxtla saat 21:05-də başlayacaq.

I qrupunda yer alan komandaların oyunu bütün matçlar kimi dünən keçirilməli idi. Ancaq regionda vəziyyət gərginləşdiyindən, təhlükəsizlik məsələləri ilə əlaqədar oyun təxirə salındı.

Qeyd edək ki, bu qrupdan “Lion”la “Sparta” artıq növbəti mərhələyə çıxdığından, “Hapoiel”lə “Atlıetik”in şansı qalmayıb.