2012-ci ildə UEFA-nın İcraiyyə Komitəsinin son iclası dekabrın 6-da keçiriləcək. Apasport.az saytının məlumatına görə, Lozannada qurum prezidenti Mişel Platininin sədrliyi altında toplantı “Lausanne Palace” otelində keçiriləcək.

UEFA-nın rəsmi saytından məlum olur ki, iclas Bakı vaxtilə saat 12:00-dan 19:30-a kimi keçiriləcək. Müzakirələr bitəndən sonra UEFA-nın baş direktoru Canni İnfantinonun iştirakı ilə mətbuat konfransı keçiriləcək.

Yığıncaqda müzakirə ediləcək məsələlər aşağıdakılardır:
1. AVRO-2016-nın final mərhələsinin formatı.
2. AVRO-2020-nin konsepsiyası.
3. 2013-cü ildə İsraildə keçiriləcək gənclər arasında Avropa çempionatında əlavə köməkçi hakimlərin istifadə olunmağı.
4. 2013-cü ildə futzal üzrə UEFA kubokunun final mərhələsinin keçirilmə yeri.
5. UEFA bayrağı altında yeni klublararası yeniyetmələr turnirinin adı.
6. UEFA-nın 2014 və 2015-ci illərdə növbəti Konqreslərinin keçirilmə yeri.

Qeyd edək ki, Azərbaycan Gürcüstanla birgə AVRO-2020-nin keçirilməyinə namizədliyini irəli sürüb.

• DÇ-2026: Şotlandiya millisinin heyəti bəlli oldu: Robertson və dostları sürpriz axtarışında
• DÇ-2026: Heyətdə tanış adlar: Bakambu, Banza, Masuaku
• DÇ-2026: Avstriya millisinin heyəti bəlli oldu
• Qvardiola gedir, keçmiş köməkçisi gəlir: “Siti”də yeni dövr
• “Kayserispor” Baxçalıya məruzə etdi: "Liqanın nəticələri təsdiqlənməsin"