Stramaççoni “Neftçi” ilə oyun öncəsi rahat nəfəs aldı

03.12.2012 - 10:16

“Neftçi”nin Avroliqanın qrup mərhələsində son oyununda rəqibi olan “İnter”in baş məşqçisi Andrea Stramaççoni A seriyasının son turunda “Palermo” ilə matçdan razı qalıb. Apasport.az saytının məlumatına görə, milanlılar “Palermo”nu avtoqolla yensə də, gənc çalışdırıcısı oyundan razı qalıb.

Onun sözlərinə görə, 3 oyunluq qələbəsiz seriyaya son qoymaları vacibdir: “Rahat nəfəs ala bilərik. Komanda indi yaxşı formada deyil. Ancaq vacib olan bu gün 3 xalı qazanmağımızdır. Ayrıca Dieqo Militonun səylərini qeyd etmək istərdim”.

Qeyd edək ki, “İnter” “Neftçi” ilə ev oyununu dekabrın 6-da keçirəcək.