Aleks Ferqyusson: Vidiç hələ hazır deyil

05.12.2012 - 06:19

Sentyabr ayında dizindən əməliyyat olunan Nemanya Vidiç, bu gün Çempionlar Liqasının H qrupunun sonuncu oyununda komandasına kömək edə bilməyəcək. Apasport.az saytının məlumatına görə, müdafiəçi artıq zədəsini tam bərpa etsə də, baş məşqçi Ser Aleks Ferqyusson bu fikirdə deyil:

“Vidiç komanda ilə birgə məşqə başlasada onu hələ meydana buraxmaq istəmirəm. Çünki o, zədədən qayıdıb. Neçə aydır ki futboldan uzaqda qalıb. Nemanyanın tam hazır olması üçün hələ bir neçə müddət var”- deyə, şotlandiyalı çalışdırıcı bildirib.

Qeyd edək ki, “Mançester Yunayted” 12 xalla H qrupuna başçılıq edir.