Luçesku İtaliya klubundan çəkinir

05.12.2012 - 07:52

“Şaxtyor” həmişə və hər yerdə qazanmaq üçün meydana çıxar. İndi də əlimizdən gələni bütün komanda ilə ortaya qoyacağıq. “Yuventus” da çox yaxşı futbolçular var. Bu da bizim üçün böyük bir motivasiyadır. Amma bunu da qəbul etmək lazımdır ki, “Qoca Sinyora” oyuna bizdən daha çox hazırlaşmış formada çıxacaq”. Apasport.az saytının məlumatına görə, bu sözləri Donetski təmsilçisinin baş məşqçisi Mirça Luçesku deyib.

Qeyd edək ki, “Şaxtyor” Çempionlar Liqasının H qrupuna 10 xalla başçılıq edir. Ukrayna klubundan 1 xal az olan “Yuventus” isə 2-ci pillədə qərarlaşıb.