“Bakı” “Xəzər Lənkəran”a, cənublular 4-cü yerə çatmaq üçün

05.12.2012 - 10:50

Sabah Topaz Premyer Liqasında 1 oyun keçiriləcək. Apasport.az saytının məlumatına görə, azarkeşlər I dövrədə keçirilməli olan VI turun “Xəzər Lənkəran” – “Bakı” qarşılaşmasına şahidlik edəcək.

Son 19 gün ərzində 2-ci dəfə qarşılaşacaq rəqiblər əvvəl II dövrənin qarşılaşmasında üz-üzə gəlmişdi. Həmin matçda bakılılar 2 cavabsız qolla qonaqları məğlub etmişdi.

Bu dəfəki görüşdə hər 2 komanda üçün qələbə vacibdir. Son turda AZAL-a uduzduqdan sonra liderlərdən uzaq düşən “Xəzər Lənkəran” 3 xal qazanmaqla 4-cü pilləyə şərik ola bilər. Son matçlarda özünə gəlməkdə olan bakılılar isə səfər qələbəsi sayəsində rəqibinə çatacaq.

Qeyd edək ki, bu matç "Xəzər Lənkəran"ın stadionunda 17 yaşadək qızlar arasında dünya çempionatının oyunlarının keçirilməsi ilə əlaqədar təxirə salınmışdı.

Topaz Premyer Liqası
VI turdan təxirə salınınmış oyun
6 dekabr
16:00. “Xəzər Lənkəran” – “Bakı”
Lənkəran. Şəhər stadionu

	komanda	o	q	h	m	t	x
1	İnter	14	7	5	2	15-6	26
2	Simurq	15	7	5	3	17-9	26
3	Qarabağ	15	6	6	3	19-15	24
4	Qəbələ	15	6	4	5	18-17	22
5	Neftçi	12	7	0	5	26-15	21
6	AZAL	14	5	5	4	19-15	20
7	Turan	15	5	4	6	19-20	19
8	Xəzər L	14	5	4	5	19-13	19
9	Rəvan	15	4	4	7	14-23	16
10	Bakı	13	3	7	3	13-10	16
11	Sumqayıt	15	3	5	7	12-28	14
12	Kəpəz	15	2	3	10	9-29	9