Mahmud Qurbanov “Kəpəz”i iki hissəyə parçaladı

06.12.2012 - 10:58

Bir günlük istirahətin ardından “Kəpəz” dünən “Qarabağ”la oyunun məşqlərinə başlayıb. Apasport.az saytının məlumatına görə, komanda üzvləri saat 14:00-da bazaya yığışıb.

Bundan 1 saat sonra isə baş məşqçi Mahmud Qurbanov futbolçuları meydana çıxarıb. Məşq prosesi təxminən 2 saata yaxın çəkib. Hazırlıq isinmə hərəkətləri ilə başlayıb. Ardından futbolçular meydan boyu qaçıb. Bundan sonra oyunçular şərti olaraq iki komandaya – “qırmızı” və “yaşıllar”a bölünərək ikitərəfli oyun keçirib.

Qeyd edək ki, “Qarabağ” - “Kəpəz” oyunu sabah baş tutacaq. Rauf Cabbarovun idarə edəcəyi görüş saat 16:00-da başlayacaq.