“Milli komandamızın Bakıdakı toplanışı yaxşı keçdi. Artıq son məşq olub və yekun qərarı baş məşqçi Berti Foqts verəcək”. Bu fikirləri apasport.az saytının Milana ezam olunmuş əməkdaşına açıqlamasında Azərbaycan milli komandasının məşqçisi Nazim Süleymanov deyib.

O, millimizin bu həftə Bakıda seleksiya xarakteri daşıyan təlim-məşq toplanışından razılığını ifadə edib: “Əlbəttə, yaxşı gənc futbolçularımız var. Onlar perspektivli oyunçulardır və milliyə kömək edə bilərlər. Bunu gələcəkdə özünüz də görəcəksiniz”.

Süleymanovdan Almaniyanın “Kayzerslautern II” komandasından gənc həmkarı Rüfət Dadaşova da qiymət verməyini istədik: “O, pis təsir bağışlamadı. Ancaq boyunun hündür, texnikalı olmağına baxmayaraq, bir az ləngdir. Ümümilikdə, pis hücumçu deyil”.

Qeyd edək ki, 1,95 metr boya malik 21 yaşlı Dadaşov ilk dəfə millimizə çağırılıb.

Mehman SÜLEYMANOV
MİLAN

• Kloze İtaliyaya qayıda bilər
• Albaniya millisində yeni təyinat - RƏSMİ
• “Yuventus”un futbolçusu İngiltərə klublarının hədəfində
• DÇ-2026: Portuqaliya millisinin HEYƏTİ BƏLLİ OLDU
• DÇ-2026: Şotlandiya millisinin heyəti bəlli oldu: Robertson və dostları sürpriz axtarışında