“Böyük oyun” və kölgəsində qalanlar

13.12.2012 - 12:04

Sabah Topaz Premyer Liqasında XVII tura start veriləcək. Apasport.az saytının məlumatına görə, 3 gün davam edəcək tur Lənkəranda start götürəcək. İlk oyun günündə cəmi 1 qarşılaşma baş tutacaq.

Belə ki, turun mərkəzi oyununda “Xəzər Lənkəran” – “Neftçi” qarşılaşacaq. “Böyük oyun” kimi tanınan görüş cənublular üçün prinsipial rəqibinə, “ağ-qaralar” üçün liderlərə çatmaq baxımından önəm kəsb edir. Turun digər qarşılaşmaları isə bu matçın kölgəsində qalacaq.

Hərçənd şənbə günü baş tutacaq 3 matç arasında “Bakı” – “Qarabağ” oyununu da fərqləndirmək olar. Vəziyyətini tədricən yaxşılaşdırmaqda olan bakılılar liderlə oyunda da xal itirməməlidir. Ağdamlılar isə qış çempionu olmaq üçün növbəti qələbəsini qazanmalıdır.

“Altılıq” uğrunda “vuruşan” AZAL-la “Turan” üçün də matç çox vacibdir. Gəncədə autsayderlə qarşılaşacaq “İnter”in işi nisbətən asan görünür.

Turun son günündə daha 1 maraqlı görüş olacaq. Bu, turnir cədvəlindəki qonşular “Qəbələ” ilə “Simurq”un oyunudur. Liderlər qrupunda yer alanların duelindən fərqli “Rəvan”la “Sumqayıt”ın görüşü prinsipiallığı ilə o qədər də seçilmir.

14 dekabr (cümə)
16:00. “Xəzər Lənkəran” – “Neftçi”
Hakimlər: Fariz Yusifov, Azər Əsgərov, Rza Məmmədov, Ramiz Məhərrəmov
Lənkəran şəhər mərkəzi stadionu

15 dekabr (şənbə)
14:00. “Kəpəz” – “İnter”
Hakimlər: Əliyar Ağayev, Mehman Mahmudov, Munis Abdullayev, Ramil Diniyev
Gəncə şəhər stadionu

14:00. “Bakı” – “Qarabağ”
Hakimlər: Anar Salmanov, Zeynal Zeynalov, Namiq Hüseynov, Orxan Məmmədov
“Bakı” FK-nın təlim-məşq bazasının stadionu

15:00. AZAL – “Turan”
Hakimlər: Rəhim Həsənov, İlham Əliyev, Knyaz Əmiraslanov, Anar Göyçayski
“AZAL Arena” stadionu

16 dekabr (bazar)
14:00. “Qəbələ” – “Simurq”
Hakimlər: Vüsal Əliyev, Ramiz Əsədov, Elşən Acalov, İnqilab Məmmədov
Qəbələ şəhər stadionu

16:00. “Rəvan” – “Sumqayıt”
Hakimlər: Rauf Cabbarov, Coşqun Həsənov, Nahid Əliyev, Tahir Əhmədov
“Bayıl Arena” stadionu

	komanda	o	q	h	m	t	x
1	Qarabağ	16	7	6	3	22-16	27
2	İnter	15	7	6	2	15-6	27
3	Simurq	16	7	6	3	19-11	27
4	Qəbələ	16	7	4	5	19-17	25
5	Neftçi	13	8	0	5	28-15	24
6	Xəzər L	16	5	6	5	22-16	21
7	AZAL	15	5	6	4	19-15	21
8	Turan	15	5	4	6	19-20	19
9	Bakı	14	3	8	3	14-11	17
10	Rəvan	16	4	4	8	14-25	16
11	Sumqayıt	16	3	5	8	12-29	14
12	Kəpəz	16	2	3	11	10-32	9