Topaz Premyer Liqasının XVIII turunda “Rəvan”ı qəbul edəcək “Simurq” qarlı hava şəraitində hazırlıqları davam etdirir. Apasport.az saytının məlumatına görə, 2012-ci ilin son oyununda qalib gəlib və turnir cədvəlini zirvədə tamamlayaraq fasiləyə yollanmağı planlaşdıran Zaqatala klubu dünən növbəti məşqinə çıxıb. Uzun məsafəli qaçış və isinmə hərəkətlərindən sonra Georgi Çixradzenin yetirmələri daha sonra taktiki çalışmalar üzərində işləyib. Qısa ötürmələrdən sonra ikitərəfli oyunla məşq tamamlanıb.

Qapıçılar Dmitri Kramarenko, David Petjkeviç və Eyyub Əliyev qapıçılarla işləyən məşqçi Emil Babayevin rəhbərliyi altında komandadan ayrı çalışıb.

Qeyd edək ki, “Simurq” - “Rəvan” oyunu dekabrın 20-si Zaqatala şəhər stadionunda keçirləcək. Matç isə saat 15:00-da başlayacaq.

• Kadıoğlu ilin oyunçusu seçildi - PREMYER LİQA KLUBUNDA
• “Siti”nin futbolçusu Bundesliqaya qayıda bilər
• Endirk “Lion”la vidalaşdı
• “Flamenqo”nun futbolçusu “Fənərbaxça”nın hədəfində
• Avropa Liqasının finalı bu kanalda - TV AFİŞA