“Fikrimiz ancaq qələbə qazanmaqdır. Vəziyyətimiz hamıya bəllidir. Yalnız qələbə əldə etməklə durumumuzu qismən də olsa düzəldə bilərik”. Apasport.az saytının məlumatına görə, bu sözləri “Kəpəz”in kapitanı Azər Məmmədov deyib.

“Sumqayıt”la oyun öncəsi təcrübəli müdafiəçi klubunun rəsmi saytına bu görüşlə bağlı fikirlərini bölüşüb. Məmmədov ilin son oyununu major notlarla bitirmək istədiklərini qeyd edib: “İlin son oyunudur. Bundan sonra çempionatda fasilə yaranacaq. Hamımız istəyirik ki, evə xoş əhval-ruhiyyədə qayıdaq. Ona görə də klub rəhbərliyinin, məşqçilərin və futbolçuların yeganə istəyi 3 xaldır”.

Qeyd edək ki, “Sumqayıt” – “Kəpəz” oyunu sabah Bakıda baş tutacaq.

• Kadıoğlu ilin oyunçusu seçildi - PREMYER LİQA KLUBUNDA
• “Siti”nin futbolçusu Bundesliqaya qayıda bilər
• Endirk “Lion”la vidalaşdı
• “Flamenqo”nun futbolçusu “Fənərbaxça”nın hədəfində
• Avropa Liqasının finalı bu kanalda - TV AFİŞA