“Xəzər Lənkəran” və “Turan” əks qütblərdə

27.12.2012 - 17:22

Topaz Premyer Liqasının ilk 18 turunda 294 futbolçu meydana çıxıb. Apasport.az saytının məlumatına görə, 12 klubun heyətində forma geyən bu sayda oyunçudan biri – İrakli Beraya 2 komandada forma geyib. Gürcü legioner “Kəpəz” və “Turan”ın uğuru üçün çalışıb.

Marafonun 18 turluq hissəsini ən az oyunçu ilə “Xəzər Lənkəran” keçib. Bu müddətdə cəmi 20 futbolçuya güvənən cənublular kimi onların prinsipial rəqibi “Neftçi”də də futbolçu çatışmazlığı olub. Bakılılar cəmi 21 futbolçuya güvənib.

Qərb təmsilçiləri – “Turan”la “Kəpəz” isə əks mənada fərqləniblər. Onlar müvafiq olaarq 30 və 29 oyunçuya bel bağlayıb. Çempionatın lideri “İnter” isə 25 oyunçu ilə zirvəni ələ keçirib.

Xəzər Lənkəran	20
Neftçi	21
Simurq	22
Qarabağ	23
AZAL	24
Qəbələ	24
Rəvan	24
İnter	25
Bakı	26
Sumqayıt	27
Kəpəz	29
Turan	30