"Real"dan darmadağınlı qələbə

10.01.2013 - 03:38

İspaniya Kral Kubokunda 1/8 final mərhələsinin cavab oyunlarının növbəti görüşləri keçirilib. Apasport.az saytının məlumatına görə, ikinci matç günündə üç qarşılaşma reallaşıb.

"Sevilya" öz meydanında "Malyorka"nı qonaq edib. İlk görüşdə rəqibini 5:0 hesabı ilə məğlub edən Maykıl Qonzalesin yetirmələri doğma azarkeşləri önündə məyus olub - 1:2.

Madrid "Real"ı evində "Selta Viqo" ilə üz-üzə gəlib. Səfərdə rəqibinə 1:2 hesabı ilə uduzan "Kral klubu" bu dəfə qonaqları darmadağın edib. Kriştiano Ronaldonun het-trik etdiyi gecədə “Real” 4:0 hesabı ilə qalib gəlib və növbəti mərhələyə keçib.

"Saraqoza" - "Levante" qarşılaşmasında isə sevinən tərəf meydan sahibləri olub - 2:0.

Qeyd edək ki, İspaniya Kral Kubokunun 1/8 final mərhələsinə sabah yekun vurulacaq.

İspaniya Kral Kuboku

1/8 final (cavab oyunları)

8 yanvar

"Malaqa" - "Eibar" - 4:1 (İlk oyun - 1:1)
Dieqo, 74, Fernandez, 76, Portillo, 82, Dieqo, 90 - Arroyo, 12

"Valensiya" - "Osasuna" - 2:1 (İlk oyun - 2:0)
Kosta, 34, Soldado, 90 - Llorente, 37

9 yanvar

"Sevilya" - "Malyorka" 1:2 (İlk oyun - 5:0)
Moral, 22 - Brandon, 52, Alfaro, 56

"Real" - "Selta Viqo" 4:0 (İlk oyun - 1:2)
Ronaldo, 3, 24, 87, Kedira, 89

"Saraqoza" - "Levante" 2:0 (İlk oyun - 1:0)
Zukulini, 23, Montanes, 60

10 yanvar

"Qetafe" - "Atletiko" (Madrid) (İlk oyun - 0:3)

"Barselona" - "Kordoba" (İlk oyun - 2:0)

"Betis" - "Las Palmas" (İlk oyun - 1:1)