Antalyaya təlim-məşq toplanışına yollanan "Simurq" bu gün 2013-cü ildə ilk məşqinə çıxıb. Apasport.az-ın klubun saytına istinadən məlumatına görə, gündə iki dəfə olmaqla hazırlıqları davam etdirəcək Zaqatala təmsilçisi səhər çalışmalarına yerli vaxtla saat 11:00-da başlayıb. İkinci məşq isə saat 17:00-da baş tutub.

Baş məşqçi Georgi Çixradze əvvəlcə bütün komanda ilə qısa söhbət etdikdən sonra fiziki ağırlıqlı çalışmalara başlanılıb. İki qrupa bölünən futbolçular uzun məsafəli qaçışdan sonra fiziki hazırlıq üzrə məşqçi Aleksandar Karakliçin başçılığı altında onun tapşırıqlarını yerinə yetirib.

İkinci məşq isə daha çox topla olub. Burada da qruplara bölünən futbolçular, qısa ötürmələr üzərində çalışıb.

• Ronaldodan dubl, "Əl Nəsr" çempion!
• DÇ-2026: Norveç millisinin heyəti bəlli oldu
• Super Liqada legioner limiti yenilənib
• DÇ-2026: ALMANİYA MİLLİSİNİN HEYƏTİ AÇIQLANDI
• "Arsenal"dan yeni transfer həmləsi