"Antalyaspor" “fırtına”ya düşdü

13.01.2013 - 03:53

Türkiyə kubokunun qrup mərhələsində II turun növbəti oyunları keçirilib. Apasport.az saytının məlumatına görə, ikinci matç günündə B qrupunda bir qarşılaşma baş tutub.

“Trabzonspor” səfərdə "Antalyaspor"la münasibətlərinə aydınlıq gətirib. Qarşılaşma qonaqların qələbəsi ilə nəticələnib. İlk hissəyə minimal hesablı məğlub durumda yollanan Qara dəniz təmsilçisi, fasilədən sonra rəqibi 3 dəfə mərkəzdən başlamağa məcbur edib.

Beləliklə, "Antalyaspor"u 2:3 hesabı ilə üstələyən Şenol Günəşin komandası B qrupunda ikinci qələbəsini qazanaraq, 6 xalla liderliyini davam etdirir.

Qeyd edək ki, A qrupunun hər iki oyunu bu axşam keçiriləcək.

Türkiyə kuboku qrup oyunları

11 yanvar

B qrup

"Əskişəhərspor" - "Mersin İdmanyurdu" - 3:1
Ərkan, 22, Çauşiç, 43, Necati, 88 - Ozukvo, 50

12 yanvar

"Antalyaspor" - "Trabzonspor" 2:3
Promise, 57, Bassan, 90+2 - Mierzeyevski, 12; 64-pen, Vittek, 88

13 yanvar

A qrupu

"Sivasspor" - "Bursaspor"
"1461 Trabzon" - "Fənərbaxça"