“Ya “Qalatasaray”a keç, ya da...”

13.01.2013 - 10:20

Hollandiya yığmasının futbolçusu Uesli Sneyderin “Qalatasaray”a keçidi ilə bağlı tərəddüd etməyi “İnter”in prezidenti Massimo Morattini hövsələdən çıxarıb. Apasport.az saytının məlumatına görə, Morrati 2009-cu ildən onların şərəfini qoruyan 29 yaşlı yarımmüdafiəçi qarşısında şərt qoyub.

Onun sözlərinə görə, Sneyderin gələcək karyerası ilə bağlı yalnız 2 variantı var: “Onun seçimi var. Ya “Qalatasaraya”a keçəcək, ya da komandamızda qalacaq. Açığı, mən bu çək-çevirdən yorulmuşam və bunların nə vaxt qurtaracağını özümə sual verirəm”.

Qeyd edək ki, klublar Ueslinin keçidi ilə bağlı bir neçə gün öncə razılığa gəlsələr də, futbolçu ilə şəxsi müqavilənin imzalanmağı hələ qalıb.