Sneyderin səssizliyi Morattini özündən çıxarıb

15.01.2013 - 00:25

Son günlər “Qalatasaray”a transfer ediləcəyi gündəmə gələn hollandiyalı futbolçu Uesli Sneyderin yekun qərar verməməsi “İnter”in prezidenti Massimo Morattini özündən çıxarıb. Apasport.az saytının məlumatına görə, klub rəhbəri 28 yaşlı yarımmüdafiəçinin artıq bir qərar verməsini istəyib: “Uesli “Qalatasaray”a dərhal cavab verməlidir. İstanbul klubu onun fikrinin nə ilə yekunlaşacağını gözləyir. Çünki onlar haqlıdır. Sneyderin bu günlərdə qərar verməsi doğru olardı. O, qərarını açıqlasa, nə qədər ciddi olduğunu ortaya qoymuş olacaq”.