Xorvatiya yığmasının sabiq qapıçısı “Xəzər Lənkəran“a gəldi

16.01.2013 - 01:14

Antalyada təlim-məşq toplanışında olan "Xəzər Lənkəran"ın düşərgəsinə daha üç futbolçu gəlib. Apasport.az saytının xəbərinə görə, dünən komandaya qoşulan Kamran Abdullazadədən başqa heyətə yeni transfer olunan Uğur Pamuk və klubun yetirməsi, U-17 milli komandamızın əsas hüçumçusu Elnur Cəfərov da qoşulublar.

Digər futbolçu isə baxışa gələn xorvat qapıçı İvan Çoviçdir. 22 yaşlı qolkiper vaxtilə U-21 Xorvatiya millisinin şərəfini qoruyub, 2008-2009-cu illərdə Zaqreb "Dinamo"sunda, 2009-2010-cu illərdə "İnter Zapreşiç" və 2010-2012-ci illərdə "Hrvatski Dragovoljac" klublarında oynayıb.