“Çelsi” evində xal itirdi

17.01.2013 - 03:58

İngiltərə Premyer Liqasının 17-ci turundan təxirə salın bir oyun keçirilib. Apasport.az saytının məlumatına görə, “Çelsi” doğma publika önündə “Sauthemton”la üz-üzə gəlib.

Maraqlı mübarizə şəraitində keçən qarşılaşmada qapılara 4 qol vurulub. Lakin qalib müəyyənləşməyib. İlk hissəyə yaxşı başlayan “zadəganlar” fasiləyə 2:0 hesablı üstünlüklə yollanıb. İkinci yarıda isə London klubu qonaqların müqaviməti ilə üzləşib.

Belə ki, 58 və 75-ci dəqiqələrdə “Sauthemton” futbolçularının vurduqları top “Çelsi”nin qələbə qazanmasına imkan verməyib. Görüş 2:2 hesablı bərabərliklə başa çatıb.

İngiltərə Premyer Liqası

17-ci tur

16 yanvar

“Çelsi” - “Sauthemton”
Demba Ba, 25, Hazard, 45 – Lambert, 58, Punkeon, 75