FİFA milli komandaların reytinq cədvəlini açıqlayıb. Apasport.az saytının məlumatına görə, Azərbaycan yığması 2013-cü ilin ilk siyahısında 118-ci pillədə qərarlaşıb.

Dekabrdakı mövqeyində qalan komandamızın hesabındakı 277 xalla Avropada 44-cü yerdədir.

Yığmamızın seçmə mərhələdəki rəqibləri arasında favoritlərin vəziyyəti dəyişməz qalıb. 1144 xala malik Portuqaliya 7-ci, Rusiya isə 1070 xalla 9-cu pillədədir.

454 xala malik İsrail 2 pillə irəliləyərək 76-cı olub. Şimali İrlandiya 367 xalla 2 pillə geriləyərək 98-ci yerə enib. Lüksemburq isə 148-ci yerini qoruyub – 172 xal.

Yığmamızın Dubay toplanışında üz-üzə gələcəyi rəqiblərdən 11 pillə irəliləyən Özbəkistan (555) 56-cı yerə yüksəlib. Lixtenşteyn (146) isə 154-cü yerdə qalıb.

Siyahının ilk 3 pilləsində dəyişiklik olmayıb. İspaniya (1606) 1-ci, Almaniya (1437) 2-ci, Argentina (1290) 3-cü pillədə qərarlaşıb.

• Qvardiola "Siti"dən ayrılacağını açıqladı: "SƏBƏBİNİ SORUŞMAYIN"
• DÇ-2026: İngiltərə millisinin heyəti açıqlandı
• 38 yaşlı futbolçu "Latsio"dan ayrılacaq - RƏSMİ
• DÇ-2026: CAR millisinin heyəti bəlli oldu
• Dursun Özbek İkardi sualına əsəbiləşdi: “Buna heç kimin haqqı çatmır”