Xosep Qvardiola ilə anlaşan Münhen “Bavariya”sının rəhbərliyi daha bir ulduzu komandaya gətirməyi planlaşdırır. Apasport.az saytının məlumatına görə, Bundesliqa təmsilçisi braziliyalı hücumçu Neymarı transfer etmək niyyətindədir.

Yeni mövsümdən komandanı çalışdıracaq ispaniyalı mütəxəssisin də “Santos”un futbolçusunu sərəncamında görmək istədiyi iddia edilir. Lakin Neymarın “Bavariya”ya gəlib-gəlməyəcəyi maraqla gözlənilir. Çünki daha öncə 20 yaşlı forvard DÇ-2014-ə qədər Braziliyada qalmaq istədiyini bildirmişdir.

Qeyd edək ki, Münhen klubundan başqa Neymarla “Barselona”, Madrid “Real”ı, PSJ, “Mançester Siti” və “Çelsi”də yaxından maraqlanır.

• Mourinyo "El-Klasiko" haqda: "Problem deyil, öhdəsindən gələcəyik”
• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər