Türkiyə çempionatının 1-ci liqasında 2-ci dövrəyə start verilib. Apasport.az saytının məlumatına görə, 18-ci turun ilk oyununda Azərbaycan milli komandasının sabiq futbolçuları Rail Məlikovla Arif İsayevin şərəfini qoruduğu “Dənizlispor” klubu “1461 Trabzon”un qonağı olub.

Meydan sahiblərinin cəzalı olması üzündən tamaşaçısız keçirilən görüşdə hər 2 futbolçumuz start heyətində yer alıb. Ardıcıl 16-cı oyununda meydana çıxan Raildən fərqli Arif üçün bu, yeni klubunda 1-ci qarşılaşma olub. Məlikov bu dəfə də əvəzolunmadan meydanda mübarizə aparıb. Arif isə 61-ci dəqiqədə əvəzlənib.

Lakin İsayevin debütünü meydan sahibləri korlayıb. İlk 8 dəqiqədə 2 qol vuran trabzonlular matçın sonlarında daha 1 dəfə fərqlənərək qarşılaşmada böyük hesabla qalib gəlib – 3:0.

Qeyd edək ki, 18 oyunda 21 xal toplayan Dənizli təmsilçisi 13-cü pillədə qərarlaşıb.

• Qvardiola "Siti"dən ayrılacağını açıqladı: "SƏBƏBİNİ SORUŞMAYIN"
• DÇ-2026: İngiltərə millisinin heyəti açıqlandı
• 38 yaşlı futbolçu "Latsio"dan ayrılacaq - RƏSMİ
• DÇ-2026: CAR millisinin heyəti bəlli oldu
• Dursun Özbek İkardi sualına əsəbiləşdi: “Buna heç kimin haqqı çatmır”