AAntalyada hazırlıqlarını davam etdirən “Qəbələ” bu gün qardaş ölkədə ilk yoxlama oyununu keçirib. Apasport.az saytının məlumatına görə, “qırmızı-qaralar” Almaniya təmsilçisi “İnqolştadt”la üz-üzə gəliblər.

Bakı vaxtı ilə saat 16:00-da start götürən matç Ramiz Məmmədovun yetirmələrinin məğlubiyyəti ilə başa çatıb. Belə ki, oyunun 37-ci dəqiqəsində qapısında qol görən komandamız fasilə ərəfəsində hesabı bərabərləşdirsə də, yenidən təşəbbüs rəqibin tərəfinə keçib.

İkinci hissədə “İnqolştadt” daha 4 dəfə fərqlənib. Onlar 3 topu “Qəbələ”nin qapısından keçirdikləri halda, bir dəfə öz qapıçılarını məyus ediblər.

Qeyd edək ki, "İnqolştadt" 2004-cü ildə iki köklü klubun - "ESV İnqolştadt" və "MTV İnqolştadt" birləşməsi ilə yaranıb. Komanda hazırda II Bundesliqada mübarizə aparır.

"Qəbələ" (Azərbaycan) - "İnqolştadt" (Almaniya) - 3:4
QOLLAR: Rəşad Abdullayev, 45; avtoqol, 53; Yannik Kamanan, 86

• Qvardiola "Siti"dən ayrılacağını açıqladı: "SƏBƏBİNİ SORUŞMAYIN"
• DÇ-2026: İngiltərə millisinin heyəti açıqlandı
• 38 yaşlı futbolçu "Latsio"dan ayrılacaq - RƏSMİ
• DÇ-2026: CAR millisinin heyəti bəlli oldu
• Dursun Özbek İkardi sualına əsəbiləşdi: “Buna heç kimin haqqı çatmır”