“Neftçi”nin futbolçusu Cavid İmamverdiyevin heyətində oynadığı “Dinamo-2” Oleq Makarovun xatitəsinə həsr olunan turnirin qalibi olub. Apasport.az saytının məlumatına görə, Ukraynanın I liqasında çıxış edən “Dinamo”nun ikinci komandası finalda II liqanın lideri “Desna”ya 3:1 hesabı ilə qalib gəlib.

Kiyev “Dinamo”sunun bazasının manejində keçirilən matçda futbolçumuz oynamayıb. Yarımmüdafiəçi “Neftçi”yə qayıtdıqdan sonra millimizin Dubaydakı təlim-məşq toplanışına yollanıb.

Qeyd edək ki, İmamverdiyev turnirdə yanvarın 23-də “Dinamo”nun gənclərdən ibarət komandası ilə 2:2 hesabı ilə nəticələnən oyunun ikinci hissəsində meydana çıxaraq debüt edib.

• Aleksis Sançes rəsmən MLS-də
• “San Paulu”nun avtobusunda narkotik tapıldı – 86 kiloqram
• İspaniyalı müdafiəçi "Çelsi"də
• “Barselona” Alvaresin əvəzedicisini tapdı
• Argentina millisinin üzvü “Bayer”də