Sabah "Kəpəz" yoxlama oyunu keçirəcək. Apasport.az-ın klubun saytına istinadən məlumatına görə, Gəncə komandasının rəqibi elita təmsilçisi Sumqayıtın eyniadlı klubudur. Gənclik şəhərinin komandası ilə oyun saat 12:00-da başlayacaq.

Görüş "Dalğa Arena"da reallaşacaq. "Sumqayıt"la matç "Kəpəz"in təlim-məşq toplanışı çərçivəsində son yoxlama oyunu olacaq. Sabahkı qarşılaşma ilə bağlı Mahmud Qurbanovun yetirmələri bu gün bir dəfə məşq ediblər. Səhər saat 11:00-da başlayan və 1,5 saat davam edən məşqdən sonra isə baş məşqçi futbolçulara oyuna kimi istirahət etmək imkanı yaradıb.

Qeyd edək ki, qarşıdakı görüş baxışda olanların üçün son sınaqdır. Məhz bundan sonra klubda saxlanılacaq yenilərin kimliyi məlum olacaq.

• "Siti"dən 34 yaşlı qapıçı transferi
• "Atletiko"nun futbolçusu A Seriyası klubunda - RƏSMİ
• Aleksis Sançes rəsmən MLS-də
• “San Paulu”nun avtobusunda narkotik tapıldı – 86 kiloqram
• İspaniyalı müdafiəçi "Çelsi"də