"Rəvan”nın əvəzedicilərdən ibarət komandası bu gün çempionatın qalan hissəsinə hazırlıq məqsədilə son yoxlama matçını keçirib. Apasport.az saytının məlumatına görə, "uçan aslanlar” "Neftçi”nin əvəzedicilərini üstələyib.

Elşad Quliyevin yetirmələri gərgin idman mübarizəsi şəraitində keçən oyunda "Neftçi”ni 3:2 hesabı ilə məğlub edib. “Rəvan”ın bütün qollarının müəllifi het-trikə imza atan Anar Hüseynov olub.

Baş məşqçi oyundan sonra klubun rəsmi saytına açıqlamasında futbolçularının çıxışından razı qaldığını söyləyib: "Yaxşı hazırlıq keçdik. Əsas məqsədimiz əsas komandaya layiqli futbolçu yetişdirməkdi. Heyətə 8 yeni futbolçu qatmışıq. Məncə, indi bir komanda kimi daha güclüyük. Çempionat oyunlarında da uğurlu çıxışımızı davam etdirmək istəyirik. Məqsəd ilk “altılıq”a düşmək, sonrada imkan daxilində daha üst sıralara yüksəlməkdi”.

Qeyd edək ki, əvəzedicilərimiz fasilə dövründə 6 yoldaşlıq oyununda qüvvəsini sınayıb. Yalnız əsas komandaya yenilən (0:3) əvəzedicilər "Qaradağ Lökbatan” (0:0) və MOİK (1:1) ilə heç-heçə edib, "İnter” (2:1), "Sumqayıt” (4:1) və "Neftçi”nin (3:2) əvəzedicilərinə isə qalib gəlib.

• Benitez istefaya göndərildi
• Günün canlı yayımlanacaq matçları - TV AFİŞA
• Bir dövrün sonu: Podolski karyerasını başa vurdu
• İtaliya klubu Kılıçsoyla bağlı qərarını verdi
• Aziz Yıldırımdan tarixi təklif: Ali Koç və Hakan Safiyə...