Gələn il Qırğızıstan yığması ilə yoldaşlıq oyunu keçirəcək Azərbaycan millisi tarixində 3-cü dəfə bu rəqiblə görüşəcək. Apasport.az saytının məlumatına görə, komandalar əvvəllər 2 dəfə üz-üzə gəliblər.

Hər 2 matç yoldaşlıq xarakteri daşıyan beynəlxalq turnir çərçivəsində olub və millimizin qələbəsi ilə başa çatıb. Futbolçularımız neytral meydandakı oyunlarda minimal fərqlə qələbələr əldə edib.

1993-cü ildə İranda keçirilən turnirdə Azərbaycan futbolçuları iyunun 7-də qarşılaşdığı matçda rəqibini 3:2 hesabı ilə məğlub etməyi bacarıb. 2007-ci ildə isə Qırğızıstanla 2-ci duel gerçəkləşib. Qazaxıstandakı turnirin son turunda – martın 11-də baş tutan oyunda yığmamız 1:0 hesabı ilə qalib gəlmişdi. Özü də Vaqif Cavadovun qolunun qələbə qazandırdığı matçı həmyerlimiz Vüsal Əliyev idarə etmişdi.

• Robertson "Tottenhem"lə anlaşdı
• Spinazzola "Milan"ın hədəfində
• "Qalatasaray"ın futbolçusu I Liqa klubunda - RƏSMİ
• "Tottenhem"in müdafiəçisi "Barselona"nın radarında
• Minyole karyerasını başa vurdu