“Qəbələ” sabah ilk oyunları baş tutacaq ölkə kubokunun 1/4 final mərhələsində “Qarabağ”la qarşılaşacaq. Apasport.az saytının məlumatına görə, ötən mövsüm də bu mərhələdə elə bu rəqiblə qarşılaşan “qırmızı-qaralar” 1 il sonra revanş üçün meydana çıxacaq. Düzdür, həmin vaxt ağdamlılar “Qəbələ”yə qalib gəlməmişdi. Hər 2 oyunu heç-heçə bitən cütün taleyini ağdamlıların Qəbələdə vurduğu səfər qolları həll etmişdi – 2:2 və 0:0.

Ardıcıl 3-cü, ümumilikdə isə 5-ci dəfə bu mərhələyə yüksələn “Qəbələ” hələlik 2 dəfə yarımfinala adlayıb. İlk 2 cəhddə bunu bacaran komanda son 2 ildə məhz bu səddə “ilişib”. İndi bu seriyanı qırmalı olan komanda 1/4 finaldakı ev oyunları ənənəsinə də son qoymalıdır. Belə ki, “Qəbələ” tarixi ərzində kubokun 1/4 finalında keçirdiyi bütün ev oyunlarını istisnasız olaraq heç-heçə başa vurub. İlk 4 heç-heçədən sonrakı 5-ci matçda qələbə qazanmaq üçün “Qarabağ”ı yenmək lazımdır.

İndiyədək 2 kubok matçından başqa, daha 18 dəfə Premyer Liqada Ağdam təmsilçisi “Qəbələ”yə rəqib olub. Bu matçlarda cüzi üstünlük “Qarabağ”ın tərəfindədir. Ağdamlılar 6, “Qəbələ” 5 qələbə qazanıb. Daha 9 görüşdə isə qalib müəyyənləşməyib. 43 qolun vurulduğu matçlarda “Qarabağ” daha məhsuldar olub – 23:20. Amma son 8 oyunda 3 qələbəsi olan “Qəbələ” 5 dəfə heç-heçə edib və uduzmayıb. 2011-ci il fevralın 13-də qazandığı qələbə “Qarabağ” üçün sonuncu olub ki, həmin vaxtdan 2 ildən çox vaxt keçib.

2006/07 20.08.2006 Premyer Liqa Gilan (Qəbələ) - Qarabağ (Ağdam) 0:2
2006/07 22.02.2007 Premyer Liqa Qarabağ (Ağdam) - Gilan (Qəbələ) 3:2
2007/08 06.10.2007 Premyer Liqa Qəbələ - Qarabağ (Ağdam) 1:2
2007/08 13.04.2008 Premyer Liqa Qarabağ (Ağdam) - Qəbələ 2:1
2008/09 20.09.2008 Premyer Liqa Qəbələ - Qarabağ (Ağdam) 1:2
2008/09 15.03.2009 Premyer Liqa Qarabağ (Ağdam) - Qəbələ 0:0
2009/10 23.09.2009 Premyer Liqa Qarabağ (Ağdam) - Qəbələ 0:0
2009/10 06.12.2009 Premyer Liqa Qəbələ - Qarabağ (Ağdam) 1:1
2009/10 21.03.2010 Premyer Liqa Qəbələ - Qarabağ (Ağdam) 3:1
2009/10 24.04.2010 Premyer Liqa Qarabağ (Ağdam) - Qəbələ 1:1
2010/11 25.09.2010 Premyer Liqa Qəbələ - Qarabağ (Ağdam) 2:1
2010/11 13.02.2011 Premyer Liqa Qarabağ (Ağdam) - Qəbələ 3:0
2011/12 27.08.2011 Premyer Liqa Qarabağ (Ağdam) - Qəbələ 0:1
2011/12 21.12.2011 Premyer Liqa Qəbələ - Qarabağ (Ağdam) 0:0
2011/12 14.03.2012 Azərbaycan kuboku Qəbələ - Qarabağ (Ağdam) 2:2
2011/12 18.03.2012 Premyer Liqa Qarabağ (Ağdam) - Qəbələ 1:1
2011/12 28.03.2012 Azərbaycan kuboku Qarabağ (Ağdam) - Qəbələ 0:0
2011/12 14.04.2012 Premyer Liqa Qəbələ - Qarabağ (Ağdam) 1:0
2012/13 31.10.2012 Premyer Liqa Qarabağ (Ağdam) - Qəbələ 1:2
2012/13 10.02.2013 Premyer Liqa Qəbələ - Qarabağ (Ağdam) 1:1

• ÇL: 1/4 finalın vaxtları açıqlanıb
• Ronaldo CBF prezidentliyinə namizəd olmaqdan imtina edib
• "Aston Villa" 40 ildən sonra bunu bacardı
• Türkiyəli futbolçu “Fənər”dən ayrıla bilər
• “Yunayted”in futbolçusu zədəsini sağaldıb