Con Karyu “İnter”də 15 günlük baxışda olacaq
27.02.2013 - 00:07
Con Karyu “İnter”də 15 günlük baxışda olacaq
Norveçli futbolçu Con Karyu Dieqo Militonun zədələnməsindən sonra “İnter”in düşərgəsinə baxışa dəvət edilib. Apasport.az saytının məlumatına görə, təcrübəli forvardın Milan təmsilçisinin heyətində baxış müddəti 15 gün çəkəcək.

Bu haqda klubun prezidenti Massimo Moratti bildirib: “Karyu bizim komandada 15 gün baxışda olacaq. Bu müddətdən sonra biz onun klubumuzda qalıb-qalmayacağını müəyyənləşdirəcəyik”.

Qeyd edək ki, İtaliyada artıq transfer pəncərəsi bağlanıb. Lakin 33 yaşlı futbolçunun keçidinin reallaşması mümkündür. Çünki Karyu hazırda azad agent statusu daşıyır.