Kurban Berdıyev: Ruslan Abışov universal futbolçudur

27.02.2013 - 09:47

“Rubin” klubunun baş məşqçisi Kurban Berdıyev Azərbaycan millisinin futbolçusu Ruslan Abışovun transferinə münasibət bildirib. Apasport.az saytının məlumatına görə, təcrübəli mütəxəssis “transfer pəncərəsi”nin son günündə keçidi rəsmiləşən müdafiəçinin komandaya xeyir verəcəyini düşünür.

Berdıyev Abışovun futbolçu keyfiyyətlərini bəyəndiyini açıqlayıb: “Ruslan universal oyunçudur. O, müxtəlif mövqelərdə yaxşı oynamağı bacarır. Biz Abışovu çoxdan izləyirdik. Onun iştirak etdiyi matçlara baxır, məlumat toplayırdıq. Nəhayət ki, onun keçidini rəsmiləşdirdik”.

Qeyd edək ki, Abışov “Rubin”lə 2,5 illik müqavilə imzalayıb.