“Paulu Bentunun Portuqaliya yığmasında gördüyü iş danılmazdır. Onun əməyini yalnız yüksək qiymətləndirmək olar”. Apasport.az saytının məlumatına görə, bu sözləri Braziliya millisinin baş məşqçisi Luis Felipe Skolari deyib.

Cənubi amerikalılara 2002-ci ildə qazanılan son dünya çempionluğunun memarı olan Skolari vaxtilə çalışdığı Portuqaliya yığmasının DÇ-2014-ün seçmə mərhələsindəki çıxışından danışıb.

O, sabiq komandasının martın 22-də İsrail, 4 gün sonra Azərbaycanla keçirəcəyi matçlara da toxunub: “Bentunun komandasının indiki tempdə işinə davam edəcəyini düşünürəm. Bu isə o deməkdir ki, onlar qarşıdakı 2 seçmə matçda İsrail və Azərbaycana qalib gələ bilərlər. Portuqaliya yığması bu qələbələrlə çətinlikləri bir az arxada qoyub, dünya çempionatının final mərhələsinə daha da yaxınlaşacaq”.

Qeyd edək ki, Portuqaliya yığması qarşıdakı hər 2 oyunu səfərdə keçirəcək.

• “Fənərbaxça”dan “Qalatasaray”a sərt ittihamlar – Derbidə qalmaqal
• Mbappenin zarafatı baha başa gəldi – Sponsorlarını itirdi, La Liqa yayımları dayandırıldı
• “Fənərbaxça”nın dördüncü forması bəlli oldu – FOTO
• “Qalatasaray”da derbi qələbəsinə görə 2,5 milyon avroluq mükafat
• Okan Buruk: “Fənər”ə qarşı planlarımız həmişə işə yarayıb”