Con Toşak sabah Bakıya gəlir

15.03.2013 - 14:44

“Xəzər Lənkəran”ın baş məşqçisi Con Toşakın Azərbaycana gələcəyi vaxt məlum olub. Apasport.az saytının xəbərinə görə, uelsli mütəxəssis sabah Bakıya gələcək.

Dünyanın bir çox məşhur komandasında, o cümlədən, İspaniya “Real”ında çalışmış məşhur məşqçi saat 17:00-da Heydər Əliyev Beynəlxalq Aeroportunda qarşılanacaq. Hava limanında KİV nümayəndələri üçün brifinq təşkil olunacaq.

Qeyd edək ki, Toşakın Lənkəran təmsilçisinin baş məşqçi postuna təyinatı martın 8-də açıqlanmışdı.