“Barselona”nın prezidenti Sandro Rosell komandasının əsas qapıçısı Viktor Valdesin klubda qalacağını düşünür. Apasport.az saytının məlumatına görə, Kataloniya təmsilçisinin rəhbəri 31 yaşlı qolkiperin komanda ilə yenidən müqavilə bağlamaq haqda fikrini dəyişəcəyini bildirib.

Rosell mövsüm başa çatandan sonra Valdeslə yenidən daşacağını ifadə edib: “Mən Valdesin komanda ilə müqaviləsinin müddətinin uzadılmasına ümid edirəm. İndi gözləmək hamısından yaxşıdır. Nə vaxt ki, klub mövsüm başa çatanda uğurlar qazanıb, zəfərlər əldə edəcək, baş məşqçi Vilanovanın səhəti yaxşı olacaq və biz yenidən Viktorla danışacağıq. Mən düşünürəm ki, o, öz mövqeyini dəyişdirəcək”.

Qeyd edək ki, 2002-ci ildən “Barselona”nın əsas heyətində çıxış edən Valdes komandadan ayrılacağını bildirmişdi. 2014-cü ilin iyun ayında müqaviləsi başa çatacaq olan Viktor, Kataloniya rəhbərliyinin yeni təklifini rədd etmişdir. Onunla bir çox klublar yaxından maraqlanır.

• Modriç “Milan”dan ayrıla bilər
• “Roma”dan 25 milyonluq transfer - RƏSMİ
• “Torino” türkiyəli futbolçu ilə bağlı qərarını verdi - RƏSMİ
• Alisson "Liverpul"dan ayrılacaq?
• "Sevilya"da qapıçı ayrılığı