Azərbaycan milli komandası futzal üzrə Avropa çempionatının əsas seçmə mərhələsində 2-ci yeri təmin edib. Apasport.az saytının məlumatına görə, 2-ci qrupda mübarizə aparan Joze Alesionun yetirmələri ardıcıl 2-ci qələbəni qazanmaqla buna nail olub.

İlk turda Norveçi 6:0, ardınca isə Bosniya və Herseqovinanı 3:2 hesabı ilə məğlub edən yığmamız 6 xalla qrup lideridir. Son turda ən yazın izləyicisi olan Slovakiya ilə qarşılaşacaq komandamız heç-heçə edəcəyi halda da qrup qalibi olacaq. Ən pis halda 2-ci olacaq millimiz ən azı pley-offda mübarizə aparacaq.

Qeyd edək ki. yarışın əsasnaməsinə görə 7 qrup qalibi birbaşa Avro-2014-ə vəsiqə qazanacaq. Belçikadakı yarışa digər 4 vəsiqənin sahibi isə pley-offda müəyyənləşəcək. Burada 7 qrup ikincisi və ən yaxşı nəticəyə malik 3-cü yer sahibi çıxış edəcək.

Yığmamız kimi İtaliya, Macarıstan, İspaniya, Xorvatiya, Portuqaliya, Serbiya, Çexiya. Hollandiya da 2 qələbə ilə ilk 2 pillədən birini təmin edib. Rusiya və Sloveniya yığmaları isə 6 xalla son turdan asılı olmayaraq Belçikaya vəsiqəni qazanıblar.

1	Azərbaycan	2	2	0	0	9-2	6
2	Slovakiya	2	1	1	0	8-7	4
3	Bosniya və Herseqovina	2	0	1	1	6-7	1
4	Norveç	2	0	0	2	3-10	0

• “Roma”da yeni müqavilə
• DÇ-2026: Niderland millisinin heyəti bəlli oldu
• Günün canlı yayımlanacaq matçları - TV AFİŞA
• 38 yaşlı baş məşqçi “Panatinaikos”da - RƏSMİ
• Modriç “Milan”dan ayrıla bilər