“Atletiko”nun futbolçusu Arda Turan zədələnib. Apasport.az saytının məlumatına görə, Türkiyə milli komandasının üzvü Madrid təmsilçisinin İspaniya La Liqasının 29-cu turu çərçivəsində “Valensiya” ilə qarşılaşmanın 26-cı dəqiqəsində sol ayağı burxularaq meydanı tərk edib.

Ardanın yerinə isə oyunu Raul Qarsia davam etdirib. 26 yaşlı yarımmüdafiəçinin zədəsinin ciddi olub-olmadığı bazar ertəsi günü keçəcəyi tibbi müayyinədən sonra bilinəcək.

Qeyd edək ki, “Atletiko” evində “yaraslar”la 1:1 hesablı bərabərə qalıb. Madridlilərin heyətində 6-cı dəqiqədə fərqlənən Radamel Falkaounun qolunun ötürməsini Arda Turan edib.

• Dünya çempionu Fransa klubunda
• “Tottenhem”dən “Yuventus”a - Rəsmi
• Seneqal millisinin yeni baş məşqçisi bəlli oldu
• "Napoli"də yeni müqavilə: UZUNMÜDDƏTLİ SÖZLƏŞMƏ
• Verman rəsmən "Borussiya"da