21 yaşadək futbolçulardan ibarət Azərbaycan yığmasının üzvü Amit Quluzadə mövsüm başa çatmamış klub axtarışına çıxıb. Apasport.az saytının məlumatına görə, “Qəbələ”nin son oyunlarında baş məşqçi əvəzi Luis Araqona lazım olmayan yarımmüdafiəçinin yay “transfer pəncərəsi” dövründə komandadan qovulacağı gözlənilir.

Elə bu üzdən Quluzadə yeni komanda ilə bağlı addımlar atmağa başlayıb. Yerli futbolçulara xas olan şəkildə özünü reklam etdirən futbolçu Türkiyə klublarının maraq dairəsində olduğu haqda xəbərlər “istehsal edib”. Vaxtilə qonşu ölkənin “Fənərbaxça” klubunda baxışda da olan, sonradan aşağı dəstə təmsilçisi “Ərciyəsspor”da heyətə düşməkdə çətinlik çəkən orta sahə oyunçusu yenidən xaricə getmək həvəsinə düşüb.

Qeyd edək ki, bu qış “Qəbələ”yə transfer olunan yarımmüdafiəçi 6 çempionat matçında meydana çıxıb. Son turlarda futbolçunun “18-liy”ə düşməməsi zədəsi ilə də izah olunur.

• “Tottenhem” “Mançester Siti”nin iki ulduzuna “göz dikdi”
• “Siti”dən ayrıldı - SƏUDİYYƏ ƏRƏBİSTANININDA ÇIXIŞ EDƏCƏK
• “Fənərbaxça” onunla da yollarını ayırdı - RƏSMİ
• “Fənərbaxça”da növbəti ayrılıq - RƏSMİ
• 37 yaşlı futbolçu Fransa klubunda