“Luis Araqonun daha bir köməkçisi müəyyənləşib”. Bunu apasport.az saytına açıqlamasında “Qəbələ”nin baş meneceri Zaur Əzizov deyib.

Ramiz Məmmədovun “Qəbələ”dən ayrılmasından sonra onun özü ilə gətirdiyi köməkçiləri – Mehman Baxışov, Kənan Kərimov və Badri Kvaratsxeliya da komandanı tərk etdi. Məmmədovun köməkçilərindən yalnız Sənan Qurbanov və Vüqar Məmmədov komandada qaldı. Hər 2 şəxslə işləməyə razılıq verən Luis Araqonun ixtiyarına indi daha bir məşqçi verilib.

Əzizovun sözlərinə görə, yeni məşqçi mövsümün sonunadək komandada Araqona köməklik edəcək: “U-16 komandamızın məşqçisi Azər Bağırovu Araqona köməkçi təyin etmişik. O mövsümün sonunadək əsas komandanın məşqçisi olacaq”.

Qeyd edək ki, Azər Bağırov Ramiz Məmmədovun “Qəbələ”nin ilk çalışdırdığı dönəmdə komandada futbolçu karyerası yaşayıb. O, müdafiənin sol cinahında çıxış edirdi.

• “Tottenhem” “Mançester Siti”nin iki ulduzuna “göz dikdi”
• “Siti”dən ayrıldı - SƏUDİYYƏ ƏRƏBİSTANININDA ÇIXIŞ EDƏCƏK
• “Fənərbaxça” onunla da yollarını ayırdı - RƏSMİ
• “Fənərbaxça”da növbəti ayrılıq - RƏSMİ
• 37 yaşlı futbolçu Fransa klubunda