Azərbaycan Konkisürmə Federasiyası (AKF) Beynəlxalq Konkisürmə İttifaqı (ISU) üzvlüyündən xaric oluna bilər. Bu haqda Lent.az-a AKF-in vitse-prezidenti Fuad Quliyev məlumat verib.

Onun sözlərinə görə, səbəb ölkəmizdə konkisürmə növünün inkişafı üçün lazımi şəraitin yaradılmamasıdır: “2011-ci ildə İSU prezidenti Ottavio Çinkvanta Bakıya səfərə gəldi. Biz ona tezliklə konkisürmə növlərinin inkişafı üçün lazımi işləri tezliklə görəcəyimizə söz verdik. Amma üstündən 2 il keçsə də, vəd yerinə yetirilməmiş qalır”.

Quliyev bildirib ki, belə davam etsə, İSU-nun 2014-cü ildə İrlandiyanın paytaxtı Dublində keçiriləcək növbəti konqresində bu haqda qərar çıxarılacaq.

Qeyd edək ki, Heydər Əliyev adına İdman Konsert Kompleksində inşa edildiyi ilk illərdə buz meydançası salınsa da, tezliklə götürülüb.

• "Qalatasaray"dan yeni transfer: KLUB AÇIQLADI
• Günün canlı yayımlanacaq matçları - TV AFİŞA
• “Tottenhem” “Mançester Siti”nin iki ulduzuna “göz dikdi”
• “Siti”dən ayrıldı - SƏUDİYYƏ ƏRƏBİSTANININDA ÇIXIŞ EDƏCƏK
• “Fənərbaxça” onunla da yollarını ayırdı - RƏSMİ